2015年11月26日 星期四

馬傑偉 - 呃like唔容易

明報   20151125

絕大部分香港年輕人每天浸泡在facebook世界之中,出postlike火速成為媒體生活的日常組成部分。Post冇人like,幾冇癮。有like開心,冇like失落,正是網絡新潮。有人清高地說,like rate如浮雲,我不在乎。這些人,十個有七八個口是心非。有朝一日,他或她的寵物拍了幅萌照,upload之後一百個like,你問佢會唔會暗爽?梗會啦,仲要問。如果自拍照一天兩天冇人理,無論你如何超然,都會sad sad哋。如果不想有人likewhy did you post in the first place

也有一些很有深度的教授(比如我),會很有智慧地說:「有like不代表有意義,呃like是自戀行為,年輕人不要太沉迷……」言下之意,post一些膚淺的貓相狗相,自拍白癡傻樣,呃like咁低層次,容乜易?!我這兩個月,跟學生做project,每星期炮製news feed,出片出圖出infographic,才發現,呃like唔容易。如果下次聽到人講「唓!呃like之嘛,容乜易」,我會兜口兜面同佢講:「你今晚呃一百個like畀我睇吓!唔該!」

幾月下來,要人like,有很多tricks

1. 貓狗萌照,討人喜歡;仲要係超白癡的貓撞板片段,或者超有愛心的感人故事,一定like爆。2. 性感情色,可以呃view,未必多like,因為不想被人知道自己好此道也;3. 搞笑搞gaglike數有個底;4. 喜事如婚禮、周年慶、大肚生BB,一定有人畀面;5. 病痛、甩拖、失婚、失手,多人comment,但你咁慘,很多friendslike唔落手;6. 社群內的八卦與競爭,有話題,有親切感,很易有人「些牙」。我們的同學,拍了搞笑短片,開中大各個書院的玩笑,拿到十二萬 view,千個些牙,三千個like7. post要出圖,圖片最好是奇觀,極端的美,極端的醜,自貶自嘲,都是呃like極品。

當然,說到最後,呃like唔容易,但like & view不是一切,最能令生活充實愉快的,還是現實人生。

沒有留言:

張貼留言